محدش عارف مين مع مين
الشاعر / احمد سليمان
خراب وحرق ودم حالك ليه يامصر بقا ( يغم )
العيب فيكى ولا فينا كل يوم بننقص واحد ورا واحد
قدام عنينا وفى الاخر ( بيكدبونا )
بقيت محتار
لو نزلت الشارع اقول رأيى ابقى فى نظرك (همجى (وبلطجى)
ولو قولت عايز حقى وحق ولدى يهون عليكى ( دمى )
ليه كدا بس( يابلدى )
طيب اكبر دماغى واسيبك تولعى
وامشى جنب الحيط واقعد زى الولايا فى البيت
بس خايف فى يوم تحتاجينى متلقنيش
يبقى ساعتها ماتلومنيش
لو زهقت منك ( وهجيت )
